Әлия Назарбаева АЭОК төралқа төрағасы қызметінен кетті

Тұңғыш президент Нұрсұлтан Назарбаевтың кенже қызы Әлия Назарбаева Қазақстанның экологиялық ұйымдары қауымдастығының (АЭОК) төралқа төрағасы қызметінен кетті.

Бұл туралы AbzhanNews Telegram-арнасы хабарлады.

Ақпаратты табиғатты қорғау ұйымдары қауымдастығының басқарма төрайымы Айгүл Соловьева растады.

«Иә, шынымен де, Әлия Назарбаева Қазақстанның экологиялық ұйымдары қауымдастығы президиумының басшысы қызметінен кетті. Бұл қаңтардың аяғында болды. Ал 4 ақпанда біз қауымдастық мүшелерінің жалпы жиналысын өткіздік» деді Соловьева Tengrinews тілшісіне.

Әлия Назарбаева 2017 жылдың қарашасында Экологиялық ұйымдар қауымдастығы президиумын басқарды. Қауымдастықтың қамқоршылық кеңесіне жасыл экономика бойынша Нобель сыйлығының лауреаты, «Жасыл өсу» тұжырымдамасының авторы Рае Квон Чунг қатысты.

Бірлестік міндеттері:

• жүйелі экологиялық бастамаларды қалыптастыру және ілгерілету үшін платформа құру;
• халықаралық ынтымақтастықты дамыту, инвестициялар тарту, халықаралық жобалар мен бағдарламаларға қатысу, халықаралық сарапшыларды тарту;
• жасыл технологияларды енгізуге, инновацияларды ілгерілетуге және тұрақты даму қағидаттарында қалаларда экологиялық инфрақұрылымды дамытуға жәрдемдесу;
• Қазақстанның қоршаған ортаны қорғау мәселелері бойынша заңнамасын жетілдіру.