Әлі төрт қырғызстандық Алматыда қамауда отыр - Кәрім Ханжеза

Төрт қырғызстандық әлі Алматыда қамауда. Бұл туралы бүгін, 12 қаңтарда Жогорку Кенеш отырысында депутат Кәрім Ханжеза мәлімдеді.

Kaktus Media басылымының хабарлауынша, Кәрім Ханжеза Закир Юбуров, Адан Хуров, Абду Рахим Джишанло және Ильяс Мачо қамаудан әлі босатылмағанын айтқан. Айта кетсек, олардың босатылатыны туралы бір-екі күн бұрын хабарланған.

«Мен жаңа ғана Бас консул Ариповпен сөйлестім. Ол олардың әлі қамауда екенін айтты. Бірақ нақты неге екенін түсіндіре алмады» деді Ханжеза.

Ол мемлекеттік органдардан шара қолданып, жігіттерді Қырғызстанға әкелуді сұрады.

Еске салсақ, бұған дейін қырғызстандық музыкант Викрам Рузахунов өз еліне қайтарылған. Ол төңкеріс кезінде бүлікке қатысты деген күдікке ілініп, қамауға алынған. Сондай-ақ, ол бұған дейін Қазақстанға тапсырыс бойынша келгенін мәлімдеген.

Артынша өз сөзінен айнып қалған. Қазіргі таңда ол еліне оралды.