ЛХР Украина тарапының атқылай бастағанын хабарлады

Мойындалмаған Луганск республикасының билігі украин тарапы минометпен шабуыл жасады деп мәлімдеді.

Өзін-өзі жариялаған Луганск халық республикасының өкілдері украин тарапының атысты тоқтату режимін бұзғаны туралы хабарлады. ЛХР  мәліметінше, олар  аймақтағы бірнеше елді мекенді атқылаған.

Украина бұл мәлімдемелерге әзірге түсініктеме берген жоқ.

Донбасстағы қақтығыстың шиеленісуі 17 ақпанда басталды. Келесі күні кешке ЛХР мен ДХР билігі әйелдер мен балаларды Ресейге эвакуациялауды бастады.

Ресей тарапы босқындарды қабылдауға дайын екенін мәлімдеді, олардың әрқайсысына 10 мың рубльден төлеуге уәде берілді. Тиісті жарлықты РФ Қаржы министрлігі жариялады.