Өлгеннің артынан өлмек жоқ: ал бізде бар!

Осы жылдың ақпан айында Нұр-Сұлтандағы тергеу изоляторында қаза тапқан қоғам белсендісі Дулат Ағаділдің өлімі көпшілікке жұмбақ күйде қалған. Кіші Ағаділдің өлімі белсенділерді тыныш қалдырмаған. Мәселенің ақ - қарасын ажыратқысы келген қоғам белсенділер жоғары биліктен өлімнің ашық тергеуін талап еткен.

Ақмоланың Талапкер ауылында, Жанболатты жерлеу рәсімі өтіп жатқанда, белсенділер Алматының Шоқан Уәлиханов атындағы алаңына келіп, әкелі-балалы Ағаділдердің өліміне билікті кінәлады. Елде белсенділерді қудалау әлі де барын көпшілігі ашық айтты.

«Шараның заңсыз» екенін алға тартқан Қоғамдық даму басқармасының өкілі Айдар Есенбеков пен қала прокуратурасының өкілі Жандарбек Сұлтанбековқа шара ұйымдастырушылары:

«Бұл митинг емес, қаралы жиын» – деп жауап беріп, тараудан бас тартқан.

Естеріңізде болса кеше ішкі істер министрлігі "Адам өлтіру" және "Бұзақылық" бабы бойынша қозғалған қылмыстық істің нәтижесінде, адам өлтіруге қатысы бар күдіктілер ұсталғанын хабарлаған.

Жанболат Ағаділ үш жерден - шынтақ тұсы, қабырғасы және жүрегінен пышақ жарақатын алып, мерт болған. Ал төбелестің неден шыққаны әлі анықталмады.

ІІМ-нің "Дулат Ағаділ жүрек талмасынан қайтыс болды" деген мәлімдемесіне марқұмның туыстары күдік келтіріп, ашық тергеуді талап еткен. Прокуратура үлкен Ағаділдің өлімінен кейін ашылған қылмыстық істі жапқан.

Ал Жанболат Ағаділдің өлімі ше? Оған қозғалған қылмыстық іс те жабық күйі қала ма?