ЛГБТ насихатына тыйым салатын жанжалды норма БАҚ туралы заңға енген жоқ

Мәжіліс БАҚ туралы заңды екінші оқылымда қабылдады. ЛГБТ насихатына тыйым салатын жанжалды норма заң жобасына енбеген.

Мәжіліс алаңында Мәдениет және ақпарат вице-министрі Қанат Ысқақов құжаттың қазіргі нұсқасында ЛГБТ насихатына тыйым салатын ереже жоқ екенін айтты.

«Мен білмеймін. Білмеймін (неліктен енгізгісі келді – ред.), бұл депутаттардың бастамасы, бұл норма қазір депутаттар дауыс берген соңғы заң жобасында жоқ»,- деді Қанат Ысқақов.

Бұл норманы ұсынғанда депутаттар нені басшылыққа алды деген сұраққа Қанат Ысқақов жауап беруге қиналды.

«Бұқаралық ақпарат құралдары туралы» заң екі жылға жуық уақыт бұрын әзірлене бастады. Содан бері ол бірнеше рет өзгертіліп, жетілдірілді. Құжат журналистер қауымы, депутаттар мен БАҚ сарапшылары тарапынан үлкен сын тудырды.