Әлеуметтік желілерді реттеу туралы заң қабылдау ұсынылды

Қазақстанда әлеуметтік желілерді реттеу жөнінде жеке заң қабылдау қажет. Бұл туралы Парламент Сенатында ұлттық құндылықтарды дәріптеу мәселелері бойынша парламенттік тыңдауда депутат Бақытжан Жұмағұлов мәлімдеді.

— Біз жастарды еңбексүйгіштікке тәрбиелеу керекпіз. Пандемия жағдайында әлемде идеологиялық вирустар да таралады. Жалған ақпарат бұл вирусты бірден әлеуметтік желілер арқылы таратады. Сондықтан біз әлеуметтік желілер туралы заң қабылдауымыз керек, - деді Жұмағұлов.

Сенатор бұл заң «сөз бостандығына нұқсан келтіру емес, әлеуметтік желілерді заңнамалық арнаға енгізу және оларды пайдаланушылардың заң алдындағы жауапкершілігін арттыру» деген ой айтты.

— Жаһандану жағдайында жастар Батыстың жекелеген жағымсыз топтарының ықпалына қалай түсетінін байқамайды. Осылайша, танымдық технологиялар қоғамдық санаға әсер ету құралына айналады. Біз үшін өзіміздің ұлттық мүдделеріміз бен ұлттық құндылықтарымызды қорғау — маңызды байлық, - деп атап өтті ол.