Lenta.ru қызметкерлері  «Аянышты  диктатор Путин» туралы жариялады

Ресейлік Lenta.ru басылымының қызметкерлері сайттың басты бетіне «Аянышты диктатор Путин» мен «Әлсіз ресейлік элита» туралы жаңалықтарды берді, деп хабарлайды zona.media басылымы.

9 мамырда lenta.ru сайтының басты бетінде Владимир Путин туралы сыни материалдардың тұтас топтамасы пайда болды.

 «Путин 21 ғасырдағы қанды соғыстардың бірін бастады», «Владимир Путин аянышты диктаторға және параноидқа айналды», «Ресей элитасы непотизммен және сикопанизммен ауырады» тақырыбындағы жаңалықтар, сондай-ақ, басты мақалада   «экономикадағы сәтсіздіктерді жасыру оңайырақ. Путин кетуі керек. Ол мағынасыз соғыс ашты және Ресейді тұңғиыққа батырып жатыр» деген сыни көзқарас  сайттан жойылды, бірақ веб-мұрағатта басты беттің көшірмесі сақталған.

Авторлар әр материалға «бұл материал басшылықпен келісілмеген, оны жариялағаны үшін Президент Әкімшілігі басылымға көкесін көрсетеді» деген ескерту жариялады. Жарияланымдарға жауапкершілікті «Экономика» және «Тіршілік ету аймағы» бөлімдерінің меңгерушісі Егор Поляков және осы бөлімдердің редакторы Александра Мирошникова мойындарына алды.

Mediazona басылымындағы дереккөз мұны басқа жарияланған жаңалықтардағы мәтінді ауыстырып, олардың қызметкерлері жасағанын растады.