Әлемге төнген қауіп: Жапониядағы атом электр станциясында өрт шықты

Жапониядағы Генкай АЭС-інде өрт шықты. NHK арнасының мәліметінше атом электр станциясы өртенген.

Kyushu Electric Power компаниясының баспасөз қызметі өрт бір сағаттың ішінде толығымен сөндірілгенін айтты. Өрт энергоблоктардың жұмысына әсер етпегенін де жеткізді. Өрт шыққан жер «Ауыр апаттарды жою нысаны» деп аталатын құрылыс алаңы болған.

«Өрт салдарынан ешкім зардап шеккен жоқ, радиоактивті материалдардың бөлінуі, қоршаған ортаға әсер ету жағдайы болған жоқ» делінген хабарламада.

Қазіргі уақытта мамандар оқиғаның себептері мен мән-жайын анықтауда. Бұған дейін Жапония үкіметі Фукусима атом электр станциясының тазартылған радиоактивті суын мұхитқа төгу туралы шешім қабылдаған болатын.