Әлемді ластаушы компаниялар тізімі анықталды

Болжам бойынша, 2030 жылға қарай зиянды пластик өндірісі 2 есе артады.  

Әлем бойынша ең көп сатылым жинаған Coca-Cola компаниясы қазір әлемді ластауға да себепші болып отыр. Break free from plastic есебінде Coca-Cola, PepsiCo және Nestlе компаниялары ғаламшарды пластикпен ластау бойынша әлемдік көшбасшыларға айналды.

«15 мыңға жуық ерікті 55 елде тасталған пластикті тауып, талдады. Coca-Cola өнімдерінің қоқысы 55 елдің 51-інде табылды. PepsiCo пластикалық қалдықтары 55 елдің 43-інде болды. Ондыққа Unilever, Mondelez International, Mars, P&G, Colgate-Palmolive және Perfetti van Melle кірді», -делінген хабарламада.          

Есеп бойынша әлемді ластаушы пластик өндірісі 2030 жылға қарай екі есе және 2050 жылға қарай үш есе артуы мүмкін.