Әлемді билеу үшін бойымда қандай қасиет болу керек?

Жетінші сынып оқушыларының орыс тіліндегі үй тапсырмасы желіде жаппай тарады. Ата-аналары тапсырманы көріп аң-таң.

Бұл туралы Orda.kz хабарлады.

Орыс тіліндегі тоқсандық білімді бағалау шеңберінде қазақ тілді мектеп оқушыларына «Әлемді билеу үшін бойымда қандай қасиет болу керек?» («Какими качествами должен обладать человек, который смог бы управлять всем миром?») тақырыбында эссе жазу ұсынылды. Ата-аналардың бірі «балалар мемлекетсіз өмірге дайындалып жатыр» деген ойға келді.

Бірақ Білім министрлігі бұл пікірді жоққа шығарды, деп жазды Stopfake.

– Тақырып оқушының бойындағы рухани құндылықтардың қалыптасу деңгейін, оның дүниетанымын анықтауға, жасөспірімнің жағымды және жағымсыз бағыттарының мазмұнын анықтауға мүмкіндік береді. Сондықтан тақырыптың негізі бар: «қазіргі қоғам қандай билеушіні құрметтейді?», «көшбасшының идеалы: ол қандай?» деген сауалдарға жауап береді, - деді министрлікте.

Мұндай туындылар жасөспірімнің елде және әлемде болып жатқан оқиғаларға өзінің көзқарасын білдіре алатынын, өмірде байқаған оқиғаларын бағалай алуына мүмкіндік береді.