Әлемде коронавирус инфекциясын жұқтырғандар саны 200 млн-нан асты

Пандемиядан бері әлемде 200 миллионнан астам COVID-19 инфекциясы тіркелді.

Бұл туралы Orda.kz хабарлады.

Джонс Хопкинс университетінің мәліметі бойынша 200 163 166 инфекция анықталған. Сонымен бірге Дүниежүзілік денсаулық сақтау ұйымының сайтында 199 466 211 жағдай тіркелді.

РБК мәліметі бойынша, инфекциялардың ең көп тіркелген елі – АҚШ (Хопкинс университетінің мәліметтері бойынша 35,3 млн). Одан кейін Үндістан (31,7 млн), Бразилия (20 млн) және Ресей (6,3 млн) тұр. Франция 6,2 млн-мен алғашқы бестікті жабады.

Сондай -ақ, университеттің мәліметі бойынша, әлемде коронавирустан 4 256 252 адам қайтыс болды. Өлімнің көп бөлігі АҚШ-та (614,7 мың), Бразилияда (559,6 мың) және Үндістанда (425,7 мың) тіркелді. ДДҰ өз кезегінде 4 244 541 өлім туралы хабарлады.