Әлемде 650 млн әйел жеткіншек жасында тұрмысқа шыққан

Әлемде бала кезінде тұрмысқа шыққан 650 миллион әйел баласы бар екен. Жаңа зерттеу Халықаралық әйелдер күні қарсаңында жүргізілген.

2030 жылға қарай бұл көрсеткіш 100 миллионға жетпек. Бұл туралы ЮНИСЕФ ұйымына сілтеме жасап,  «Ассошейтид Пресс» агенттігі хабарлады.

Өткен күндер дерегіне көз жүгіртсек 2000-2011 жылдар аралығында дамушы елдердегі 20 мен 24 жас аралығындағы әйелдердің шамамен үштен бір бөлігі 18 жасқа толғанға дейін ресми немесе бейресми некеде тұрған. 2010 жылы мұндай әйелдер шамамен 67 миллион болған. Олардың шамамен 12% -ы 15 жасқа толмай тұрып үйленген немесе жұптық  өмір сүре бастаған.

Дүниежүзілік банк пен Халықаралық әйелдер зерттеу қорының (ICRW) 2017 жылғы маусым айындағы есебіне қарасақ әлемде жыл сайын кем дегенде 15 миллион балалар некесі орын алған. Соңғы 30 жылда олардың саны көптеген елдерде азайып келеді, дегенмен  25 елде әйелдердің кем дегенде үштен бірі күйеуге шығып, оның  20% -ы 18 жасқа дейін алғашқы баласын дүниеге әкеледі.

Ерлі-зайыптылық  өмірді тым ерте бастауға мәжбүр болған қыздар зорлық-зомбылыққа ұрынып, мектеп табалдырығын аттай алмай қалуда. Кәмекелетке толмай жатып, бала туудың соңы өліммен аяқталған қайғылы оқиғалар да көптеп кездеседі.

Ковид-19 кезінде қыз балалардың өмірі тіптен қиындай бастаған. Жұмыссыздық пен дағдарыс олардың  басына түскен ауыртпалығын арттырып жіберген.

 Бала кезінде тұрмысқа шыққандардың жартысы Багладеш, Камерун, Бразилия, Үндістан, Нигерия мен Эфиопия елдеріне тиесілі.