Әлем чемпионатында Нариман Құрбанов төртінші орынды иеленді

Жапонияның Китакушу қаласында өтіп жатқан спорттық гимнастикадан әлем чемпионатында гимнастикалық ат снарядындағы финалдық сын аяқталды.

Бұл туралы  Orda.kz порталы Olympic.kz-ке сілтеме жасап хабарлады. 

Жаттығу бойынша қазақстандық спортшы Нариман Құрбанов финалға шыққан болатын. Ақтық сында Нариман 14,766 ұпай жинап, әлем чемпионатын төртінші орынмен аяқтады. 

2019 жылы Штутгартта (Германия) өткен әлем біріншілігінде Нариман бесінші орынға табан тіреген болатын. 

Гимнастикалық ат снаряды бойынша америкалық Штефан Недарашик әлем чемпионы атанды. Күміс және қола жүлдені Қытай және Жапония спортшылары жеңіп алды.