Құлдықта жүріп, малын жоғалтып алған: Түркістанда малшының өлімі тергеліп жатыр

Түркістан облысында қайтыс болған 28 жастағы малшының туыстары оның өліміне қатысты әділ тергеу жүргізуді талап етуде. Олар адам өліміне малшы құлдыққа түскен полицейдің қатысы болуы мүмкін деп есептейді.

Асылып қалған Бақытжан Оңалбековтің денесі 30 қыркүйекте табылды. Соңғы жарты жылда ол отбасының азық-түлік алған қарызын жабу үшін қой баққан. 300 мың теңге қарызын өтеу үшін дүкен иесі оған қой бағуға ұсыныс жасаған. Туыстарының айтуынша, Бақытжан нағыз құлдыққа түскен. Оны ұрып-соғып, жүйелі түрде қорлап отырған. Ол құлдықтан үш рет қашып кетсе де, тауып алып кері қайтарған.

Оңалбековтың анасының айтуынша, ұлы өлген күні табын иесі одан алты қошқар жоғалып кеткенін айтып, бұл үшін тағы 300 000 теңге талап еткен. Ол оны өзінің байланыстарымен және лауазымымен қорқытқан. Белгілі болғандай, марқұмның бағып жүрген отары да, мәйіті табылған аула да жергілікті жол полициясының қызметкеріне тиесілі екен.

Полиция «Өзін-өзі өлтіруге итермелеу» бабы бойынша тергеу бастады. Алайда, марқұмның отбасы адвокатының айтуынша, олар істі жабуға тырысып жатыр, тергеу әрекеттерінде кемшіліктер бар. Туыстары мен адвокаттар Оңалбеков әйелі мен екі жасар ұлын тастап, өз еркімен өз-өзіне қол жұмсады дегенге сенбейді.

Оқиға орнын тексеру оқиғадан бір ай өткен соң ғана жүргізілді. Полиция қызметкері жұмыс істейтін аумақта сараптама тағайындалып, тіпті екі аптадан кейін марқұмның қалтасындағы телефон да тексерілді. Іші бос болған.

Тергеуге араласып жатыр

«Анасы (телефонда) қоңыраулар, жазбалар, хат-хабарлар болғанын айтады. Ол қайтыс болған күні телефон соғып, анасына оны сол жерден алып кетуді өтінген. Қожайындары малды таппасаң, түрмеге қамаймын деп қорқытқан» дейді заңгер-кеңесші Зайниддин Сұлтанмұратов жергілікті Otyrar.kz басылымына.

Оңалбековтың туыстарының айтуынша, оларға белгісіз біреулер үнемі келіп, істі жабуды ұсынады.  Басында кешірім сұрап келсе, енді қоқан-лоқы көрсетіп жатыр.

Тергеу барысы туралы жергілікті полиция түсініктеме берді. Олар бұл іске полиция қызметкерінің қатысы болуы мүмкін деген уәждерден кейін қылмыстық іс Түркістан облысы ІІД ішкі қауіпсіздік басқармасына берілгенін айтты.

«Бүгінгі күні сотқа дейінгі тергеу амалдары жүргізілуде. Қажетті сот-медициналық сараптамалар тағайындалды. Сараптама қорытындысы бойынша процессуалдық шешім қабылданады» деді полицейлер.

Туыстары Сыбайлас жемқорлыққа қарсы қызметке жүгінген, сонымен қатар Ішкі істер министріне де үндеу жолдамақ.