Лавров Ресейдің Украинаға қарсы қандай қару қолданатынын айтты

Ресей Украинаға қарсы ядролық қаруды қолдану мүмкіндігін қарастырмайды. Бұл туралы Ресейдің Сыртқы істер министрлігінің басшысы Сергей Лавров мәлімдеді.

Сергей Лавровтан «Ресей Украинаға ақрсы ядролық қаруды қолдану мүмкіндігін қарастыра ма?» деп сұрады.

– Тек қарапайым қару-жарақпен қаруланғанбыз, - деді Лавров сейсенбіде India Today арнасына берген сұхбатында.  

Еске салайық, наурыз айының соңында Ресей Федерациясы президентінің баспасөз хатшысы Дмитрий Песков американдық NBC телеарнасына берген сұхбатында Ресей Украинадағы кез-келген сценарийде ядролық қаруды қолданбайтынын айтқан еді.