Лауазымынан босатылған Берік Имашев ұшақта мас отырды

25 қаңтар күні президент Тоқаевтың бұйрығымен қызметінен босатылған Орталық сайлау комиссиясының экс-төрағасы Берік Имашевтың ұшақта отырған фотосы әлеуметтік желіде тарады.

Orda.kz Telegram-ботына оқырмандарымыздың бірі Имашевтың ұшақтың ішінде отырған фотосын жіберді. Фотодан экс-шенеуніктің бизнес-класспен ұшып бара жатқанын байқауға болады.

Оқырманның айтуынша, Берік Имашев лауазымынан алынғаны туралы хабар тараған уақытта Алматыдан Астанаға ұшты. KS 853 рейсі. Экс-шенеуніктің үстінен алкоголь иісі шығып тұр.

Имашев ОСК-ны 2016 жылдың қыркүйегінен бері басқарып келді. Ол бұл қызметке өткен жылы қайта сайланды.

61 жастағы Имашев әр жылдары Әділет министрлігін басқарған, президент әкімшілігі басшысының орынбасары, Қауіпсіздік кеңесінің хатшысы болған.

Оның қызы Аиданың Нұрсұлтан Назарбаевтың жиені Нұрәлі Әлиевке тұрмысқа шыққанына 20 жылға жуықтады. Имашев Қазақстандағы қаңтар оқиғасынан кейін қызметінен айырылған бұрынғы президенттің туыстарының бірі.

Дариға Назарбаева осы уақытқа дейін өз орнын сақтап қалған жалғыз адам - ​​ол билеуші «Nur Otan» партиясынан сайланған мәжіліс депутаты.