Лауазымды тұлға 5 млн теңге пара алды деп күдіктелуде

Антикор Түркістан облысындағы білім беру қызметін лицензиялау бөлімі басшысының 5 млн теңге пара алды деген күдікке ілінгені туралы ақпарат таратты.

Бұл туралы Orda.kz хабарлайды.

«Сыбайлас жемқорлыққа қарсы іс-қимыл агенттігінің Түркістан облысы бойынша департаментімен ҚР Білім және ғылым министрлігінің Түркістан облысы бойынша білім беру сапасын қамтамасыз ету департаментінің білім беру қызметін лицензиялау бөлімінің басшысына қатысты сотқа дейінгі тергеу жүргізілуде.

Лауазымды тұлға жеке мектеп өкілінен білім беру қызметіне лицензия беру үшін 5 млн теңге пара алды деп күдіктелуде» делінген хабарламада.

Қылмыстық іс-әрекетін толық мойындауына байланысты процессуалдық ұстау қолданылмаған. Сотқа дейінгі тергеп тексеру амалдары жалғасуда.