Лауазымды адамдар келіп, Алматыда кептеліс орын алды

Алматыда 16 қыркүйек күні таңертең әл-Фараби даңғылын жауып тастады. Қозғалыс кезінде қиындықтар туындап, кептелістер пайда болды. Бейресми мәліметтер бойынша, ҚР премьер-министрі Асқар Мамин Алматыға жұмыс сапарымен келді.

Бұл туралы Orda.kz хабарлады.

Әл-Фараби даңғылында таңертең 09:00-10:00 аралығында кептеліс болды. Сондай-ақ, 2 GIS қосымшасындағы жүргізушілердің айтуынша, Сайын мен Фурманов көшелерінде көлік қозғалысы қиындаған.

2 GIS компаниясы көлік кептелісін 5 баллға бағалады.

Полиция департаменті қаланың жоғарғы бөлігіндегі көшенің жабылуы «сенімді тұлғаның» келуіне байланысты екенін айтты.

- Таңертең сенімді адамның жолсерігі болды. Бізде екі сенімді адам бар, мен бұл туралы айта алмаймын. Бұл қызметтік, мемлекеттік құпия, - деп түсіндірді Алматы қалалық ІІД баспасөз қызметінің қызметкері Евгений Лысенко.

Дереккөздердің хабарлауынша, Алматыға келген премьер-министр Асқар Мамин.

Кейінірек президенттің баспасөз қызметі Orda.kz-ке «Асқар Ұзақпайұлы Алматы облысына жұмыс сапарымен кетті» деді. Ал «ол бүгін Алматыда болды ма?» деген сұраққа теріс жауап берілді. Ал министр Алматыға келе ме деген сұраққа, баспасөз қызметі «баспасөз баянын» жібереміз деп қысқа қайырды.

Еске салсақ, өткен аптада да Алматыдағы әл-Фараби даңғылы қарбалас уақытта жабылған. БЕСсимптомно телеграм-каналының мәліметінше, ол кезде «Алматыға ҚР премьер-министрінің орынбасары Ералы Тоғжанов пен ҚР Денсаулық сақтау министрі Алексей Цойдың келген».

Авторы: Кристина Думанова

Аударған: Айнура Дарибаева