Лас-Вегастағы Трамп қонақ үйі ғимаратының жанында Tesla Cybertruck жарылды  

Лас-Вегастағы Trump International Hotel ғимаратының маңында Илон Масктың компаниясы шығарған пикап жарылып кетті, деп хабарлайды Orda.kz.

Associated Press мәліметінше, оқиға салдарынан 1 адам қаза тауып, тағы 7 адам жарақат алды. Жергілікті шериф Кевин Макмэхиллдың айтуынша, жалға алынған көліктен бензин мен жанармай құйылған канистрлер және пиротехника табылған.  Ол баспасөз мәслихатында тергеу жалғасып жатқанын және жүргізушінің жеке басы әлі анықталмағанын мәлімдеді.  

Илон Маск оқиғаға пікір білдіріп, бұл жарылыс теракт болуы мүмкін екенін болжады. Сондай-ақ, ол бұл оқиғаны Жаңа Орлеан қаласындағы адамдарды басып өткен көлік жағдайымен байланыстырды, анықталғандай 2 көлік те Turo каршеринг қызметі арқылы жалға алынған. Маск жарылыстың Cybertruck техникалық ақауларына қатысы жоқ екенін атап өтті.