Ла-Манш арқылы Ұлыбританияға 45 мыңнан астам адам заңсыз өткен

Ел билігі  көші-қон дағдарысын шешуге тырысуда. Ла-Манш арқылы Ұлыбританияға 45 мыңнан астам адам заңсыз өтіп кеткен.

2022 жылы Ла-Манш арқылы Ұлыбританияға 45 756 заңсыз мигрант өтіп кетті, деп хабарлады Bloomberg агенттігі.

Соңғы рет 2022 жылы заңсыз мигранттар 25 желтоқсанда елге кірген. Франциядан Ұлыбританияға 90 адам екі қайықпен жүзіп жеткен.

Бұған дейін Ұлыбританияның ішкі істер министрлігі 2022 жылы заңсыз иммигранттар саны 60 мың адамға жетуі мүмкін деп болжаған болатын.

Bloomberg атап өткендей, британ билігі миграциялық дағдарысты шешуге тырысуда. Бұған дейін премьер-министр Риши Сунак 2023 жылы Ұлыбританияға заңсыз кірген адамдардың елде қалуына жол бермейтін заң қабылдауға уәде берген.

Сонымен қатар, Ұлыбритания үкіметі елге заңды түрде келетін адамдардың санын шектеу жолдарын да қарастыруда. Түрлі мәліметтерге сәйкес, шетелдік студенттерге қатысты ықтимал шаралар қолданылуы мүмкін.