Ләззат Қалтаева Сенат депутаты болып тағайындалды

Президент Қасым-Жомарт Тоқаев Ләззат Қалтаеваны Сенат депутаты қылып тағайындау туралы жарлыққа қол қойды.

«Мемлекет басшысының жарлығымен Ләззат Молдабекқызы Қалтаева ҚР парламенті сенатының депутаты болып тағайындалды» делінген ресми хабарламада.

Қалтаева Ләззат Молдабекқызы 1965 жылы 4 ақпанда дүниеге келген.

Білімі, мамандығы (біліктілігі), лицензиялары:

• Бүкілодақтық сырттай өнер институты (1981-1983).
• Абай атындағы Қазақ педагогикалық институты (1983-1991).
• ҚМЭБИ жанындағы «Арман» оқу орталығы (1997).
• Каспий қоғамдық университеті (2009 жылдан).

Еңбек өтілі:

• Алматы қаласы Фрунзе аудандық мүгедектер қоғамының хатшысы (1987-1991).
• Алматы қаласының «ДАЭКО» ЖАҚ бағалы қағаздармен операциялар бойынша маманы (1997-2000).
• «Дәнекер» ЖАҚ бағалы қағаздармен операциялар бойынша маман, Алматы қ. (1998-2001).
• Алматы қаласындағы «Қазақстан-Аудит» ЖАҚ бағалы қағаздармен операциялар бойынша маман (1998-2001).
• «Шырақ» мүгедек әйелдер қауымдастығы» ҚБ төрағасы (2001 жылдан).
• «Алматы қаласындағы мүгедектер ұйымдарының қауымдастығы» заңды тұлғалар бірлестігінің төрағасы (2006 жылдан).