«Әл-Каида» содырлары Ауғанстанға орала бастады – ОББ

Әлемнің көптеген елдерінде террорист деп танылған және тыйым салынған «Әл-Каида» содырлары Ауғанстанға орала бастады.

Бұл туралы Orda.kz хабарлайды.

АҚШ -тың әскери барлау қызметкерлері Мэриленд штатының Ұлттық Харбор қаласында өткен ұлттық қауіпсіздік пен барлау конференциясында сөз сөйледі.

Орталық барлау басқармасы (ЦРУ) директорының орынбасары Дэвид Коэн Америка Құрама Штаттарына «Әл-Каида» ұйымының Ауғанстанға келгені туралы ақпаратты анықтап жатқанын жеткізді.

– Біз қазірдің өзінде Ауғанстанда «Әл-Каида» қозғалысының әлеуетін байқай бастадық, бірақ бұл тек бастамасы. Әрине, біздің қазіргі Ауғанстандағы мүмкіндіктеріміз алты ай бұрынғыдай емес, - деді ол.

АҚШ барлау қызметінің өкілдері «Әл-Каиданың» елге қауіп төндіру қабілетін қалпына келтіру үшін бір-екі жыл қажет болады деп күтеді.

– Қазіргі бағалау консервативті, «Аль-Каида» Америка Құрама Штаттарына қауіп төндіретіндей болуы үшін бір жылдан екі жылға дейін уақыт керек, - генерал-лейтенант Скотт Берриер.

Ол Пентагонның лаңкестікке қарсы орталығы терроризмге қарсы талдаумен айналысатын барлау қауымдастығының басқа серіктестерімен «жақсы» жұмыс жасайтынына назар аударды.