Ләйлә Сұлтанқызы алғаш рет орыс тілінде сұхбат берді

Қазақстандық танымал тележүргізуші, журналист Ләйлә Сұлтанқызы алғаш рет орыс тілінде Orda.kz редакциясының youtube арнасында сұхбат берді.

Бір сағаттық сұхбат кезінде тележүргізуші қазақ тілінің 90-шы жылдардың соңында қолданылуы, орыс тілінің мәртебесі, өзі жүргізген «ток-шоулардағы» шулы оқиғалар, «қыздығын» сатамын деген студент қыздың қазіргі тағдыры мен өзінің жеке өмірі туралы айтты. Сонымен қатар, Ләйлә Сұлтанқызы өзінің тоқал еместігін және күйеуінің өзіне дейін екі некеде болғанын жария етті.

– Мен тұрмысқа шығатын кезде күйеуім ажырасқан болатын. Оның маған дейін екі некесі болды. Мен ол туралы жасырмай айтып жүретінмін. Ол тағдыр. Мен ресми әйелімін, неге тоқал болуым керек. Мен тоқал емеспін! Керек десеңіз неке куәлігін де көрсете аламын. Күйеуім Қайраттың бұрын кішкене осы сұраққа жыны келетін. Қазір екеуміз де тоқал деген әңгімеге атүсті қарайтын болдық. Жұрттар күйеуімді көрсетпегенге «ол біреудің тоқалы» деген қауесет шығарып алған. Мен тоқал емеспін, ресми әйелімін.

Сұхбатта көзіне жас алған белгілі тележүргізуші әзілкеш Нұрболхан Шарапов пен журналист Бибігүл Дәулетбекқызын сотқа бергенін және өзіне жасалған кибербуллинг тақырыбына да сөз қозғады.

Сұхбаттың толық нұсқасын төмендегі видеодан көре аласыз: