«L-Capital» қаржы пирамидасының негізін қалаушысы ұсталды

Алматы полициясы L-Capital компаниясының 59 жастағы құрылтайшысын ұстады, деп хабарлайды Polisia.kz.

«Ол уақытша ұстау изоляторына қамалды. Салымшылардың ұжымдық мәлімдемелеріне сәйкес, ҚР Қылмыстық кодексінің 217-бабы, 3-бөлімі – «Қаржы пирамидасын құру және басқару» бойынша сотқа дейінгі тергеу амалдары жүргізілуде», - деді Рустам Әбдрахманов, Алматы полиция департаменті бастығының орынбасары.

Қылмыстық іс бойынша жәбірленуші ретінде 50 адам бар, деп толықтырды полиция.

Бұған дейін Алматы полициясы алданған компания салымшыларын құқық қорғау органдарына жүгінуге шақырған.