Қызылордадағы 16 жасар қыздың оқиғасына жауапты тұлғалар жұмыстан босатылды

Қызылордадағы 16 жасар  қызды жөзекшелікпен айналысуға мәжбүрлеу фактісіне уақытында кедергі келтірмеген уәкілетті тұлғаларға қатысты шара қабылданды.

Бұл туралы Қызылорда облысы әкімдігінің баспасөз қызметі хабарлады.

Облыстық балалар құқығын қорғау жөніндегі уәкілі Жақсыгүл Тоғанова облыстың білім беру ұйымдарындағы жұмыстарға талдау жүргізіп, дереу жұмыс тобын құрды. Нәтижесінде бірқатар тұлғалар жұмыстан босатылды.

Сонымен қатар облыс әкімі Нұрлыбек Нәлібаевтың айтуынша, оқушының сабақтан жиі қалатынына жауапты мамандар назар аудармаған. Ата-анасымен тиісті деңгейде профилактикалық жұмыс жүргізбегенін, тек мәселені жасырып-жабуға тырысқан.

«Әлеуметтік желілерде учаскелік полиция инспекторы мен мектептің ювеналды полиция қызметкері мәселеден хабардар болғандығы жөнінде ақпарат тарады. Негізгі салғырттық осы қызметкерлерден басталған. Олар өздеріне бекітілген аумақтағы ахуалды алдын-ала зерделеп, әр тұрғынды бақылауы тиіс еді. Бірақ, ондай жұмыс мүлде жүргізілмеген. Білім саласының мамандары да қызметтеріне немқұрайлы қараған. Мектеп басшылығы, педагогтер, мектеп инспекторы, өз міндеттеріңізді орындамағансыздар! Мектеп психологі, сынып жетекшілері, әлеуметтік педагог, мектеп директорының тәрбие ісі жөніндегі орынбасары және директор заң аясында қандай да бір нақты қадамға бармаған», – деді қала әкімі Нұрлыбек Нәлібаев.