«Қызылордада сексуалдық құлдық»: Мыңнан астам ер адам қыздың клиенті болған

Орта мектеп оқушысы сегіз ай бойы сексуалдық құлдықта болды. Полиция қызметкерлері рейд кезінде сауналардың бірінен 16 жастағы жасөспірім қызды тапты.

Қыздың анасы бірнеше мәлімдеме жасаған шулы баспасөз мәслихатынан кейін Orda.kz мән-жайды анықтады.

16 жастағы мектеп оқушысы шынымен де сексуалдық құлдықта болған. Оның үстіне, бәрі кездейсоқ анықталды: полиция рейд кезінде қаладағы сауналардың бірінен кәмелетке  толмаған қызды тапты. Қызылорда облысының Ұйымдасқан қылмысқа қарсы күрес басқармасына кәмелетке толмағанның жезөкшелікпен айналысқаны туралы жедел ақпарат келіп түсті. 5 тамызда оқушы қызбен сұхбат жүргізіліп, ол сонау қаңтарда құрбыларымен сыныптасы және колледждің 2-курс студентімен мас күйде болғанын анықтады.

Айғақ түсіру арқылы оны жезөкшелікпен айналысуға мәжбүрлеген

Жасөспірімді «бас тартсаң, видео көпшілікке жарияланады» деп қорқытқан. 4 ақпаннан бастап ол жезөкшелікпен айналысып, тапқан ақшасының барлығын сыныптасы мен сыбайласына беріп отырған. Кейін бұл туралы тағы бір сыныптасы біліп, телефонындағы хат-хабарларды, ақша аударымдарын көріп, бопсашыларға қосылды. Қазіргі жағдайға мектеп тарапынан да, мұғалімдер тарапынан да реакция болған жоқ.

Жеткіншектің отбасына жасалған қоқан-лоққы

Полицейлер қыздан сұхбат алғаннан кейін кәмелетке толмаған баланы тәрбиелеуде өз міндетін дұрыс орындамады деген күдікпен анасына жүгінді. 7 тамызда әйелдің өзі полицияға қарсы арыз жазған. Сонымен қатар, күдіктілердің есепшоттарынан қомақты ақша табылды. Тергеуде бұл адамдардың хаттары да бар. Күдіктілер үйқамаққа шығарылғаннан кейін жәбірленушінің отбасын қорқыта бастады.

Қазір бүкіл отбасы 24 сағаттық қауіпсіздікте. Осыдан кейін үш күдікті – 2007 және 2008 жылы туған қыздар мен 2007 жылы туған ұл – уақытша ұстау изоляторына қамалды. Болған оқиғаны жеңе алмай жүрген қызбен психологтар жұмыс істеп жатыр. Қоғамдық ұйымдар ұйымдастырған баспасөз мәслихатында қыздың анасы мыңнан астам ер адам қызының клиенті болғанын, бұл іске ҰҚК жоғары лауазымды қызметкерінің қатысы бар екенін айтты. Біздің мәлімет бойынша, тергеу бұл деректерді растай алмаған. Тергеу жалғасуда.

Жергілікті билік бұл жағдайға жауап берді. Директор, тәрбие ісі жөніндегі орынбасары, психолог, әлеуметтік педагог және сынып жетекшісі жұмыссыз қалды.