Қызылордада секс-құлдықта болған 16 жасар қыздың «қызметіне» жүгінген 217 ер адам жазаланбайды

Қызылордада 16 жасар қыздың сексуальды құлдықта болғаны туралы атышулы іске қатысты жаңа деректер айтылды, деп жазады Orda.kz.

НеМолчиKZ қорының жетекшісі Дина Таңсәрінің айтуынша, «Адам саудасына қарсы тұру туралы» заң 5 қыркүйекте күшіне енді. Бұл заңға сәйкес, кәмелетке толмаған қыз баланың «қызметін сатып алған» 217 ер адамды жауапқа тартуға болар еді. Бірақ қызбен болған бұл оқиға 5 тамызда анықталды, ал 6 тамызда шағым берілді. Сондықтан, бұл адамдарды ешкім жауапқа тарта алмайды. Сонымен қатар, қыздың отбасы қалада қала алмайды. 200-ден астам ер адам мен олардың отбасылары қыздың отбасын қудалауы мүмкін.

«Себебі оларды шақырды, кейбіреулерін жұмыс орнынан тапты, жариялады, кейбіреулерін жұмыстан шығарды, кейбіреулерін жазалады. Олардың ойынша, бұл қылмыстың себебі олардың құмарлығы немесе ақы төлеп зорлық-зомбылық жасауға бейімділік емес, бұл —  қыздың өзіне қатысты. Олар мектептерде, әкімшілікте, мемлекеттік мекемелерде, ауруханаларда жұмыс істейді», – деп жазды Таңсәрі.

Еске салсақ, 16 жасар мектеп оқушысы сыныптастарының сексуалды құлықтығында сегіз ай болған. Бұл оқиға кездейсоқ анықталды: полиция рейд кезінде қызды қаладағы сауналардың бірінен тапты.