Қызылордада оқушы қызды қорлаған 13 күдікті ұсталды

Ішкі істер министрінің орынбасары Игорь Лепеха Қызылордада сыныптастары қорлаған оқушы қыздың ісіне қатысты тың деректерді баяндады, деп хабарлады Orda.kz.

«13 айыпталушы ұсталды. Олардың екеуі үйқамаққа алынды, бүгінгі таңда бірқатар баптар бойынша қылмыстық іс қозғалды, себебі бұл қылмыстық іс аясындағы тергеушінің құзыреті», — деді Лепеха Сенат отырысында.

Оның айтуынша, қызды жезөкшелікке азғырғандар мен зорлық-зомбылықты тікелей ұйымдастырғандар қамауға алынды.

Министрдің орынбасары ұсталғандардың қаншасы кәмелетке толмағандар екенін анықтап айтпады.

Тамыз айының басында оқушы қыздың анасы сыныптастары мен олардың туыстары қызын есірткіге мәжбүрлеп, күштеп ұстап, ақша бопсалағанын, жезөкшелікке итермелеп, физикалық күш көрсеткенін айтқан. Күдіктілер қамауға алынды.