Қызылордада лицей оқушысының өзіне қол салғаны туралы ақпарат тарады

Қызылордада лицей оқушысының өзіне қол салғаны туралы ақпарат шықты. Әлеуметтік желілерде кәмелетке толмаған оқушының оқу орны аумағында өзін-өзі өлтіргені туралы бейнежазба тарады, деп хабарлайды Orda.kz. 

Облыстық полиция департаменті бұл деректі растады, бірақ нақты қай жерде болғанын хабарламады.

«Белгілісі — оқиға бойынша Қылмыстық кодекстің «Өзін-өзі өлтіруге итермелеу» бабы бойынша іс қозғалды. Тергеу жүріп жатыр. Департамент басшылығы бұл істі өз бақылауына алған», — деп хабарлады баспасөз қызметкері.