Қызылордада 16 жасар қызды жөзекшелікке мәжбүрлегендер жазадан құтылуы мүмкін

Қызылордада 16 жастағы оқушы қызды сексуалдық құлдыққа салу ісі бойынша басты сот отырысы басталды. Жәбірленушінің анасы соттың ашық өтетініне үзілді-кесілді қарсы, деп хабарлайды Orda.kz.

Ақша бопсалаудың бір көрінісі бойынша екі рет сот отырысы белгіленген. Бірақ 2 ретінде де  сотталушының адвокаты басқа іспен айналысып жатқандықтан кейінге қалды. Жәбірленушінің анасы судьяның сот процесін ашық режимде өткізгеніне наразы. Өйткені сот отырысында зардап шеккен қыздың жеке мәліметтері мен болған жайттың егжей-тегжейлері жарияланып, БАҚ өкілдері қатыса алады.

«Сондай-ақ біз істі сотқа дейінгі тергеуге жіберуді сұрадық. Сот біздің өтінішімізді қабылдамады. Өйткені ақша бопсалаушылардың бірін осы іске қатысты адамдармен емес, бөлек соттап жатыр. Біз барлық күдіктілерді жеке-жеке бөлмей, бірдей жауапқа тарту қажет деп есептеймін. Қазір жеке қаралып жатқан іс сол адамды барынша қатаң жазадан құтқарып қалудың әрекеті», – деді қыздың анасы.          

Сонымен қатар, оның айтуынша, қазір айыптау қорытындысы күдіктіні қалған 3 бопсалаушымен қатысы жоқ қылып көрсеткісі келетін сияқты. 

«Жалпы, тергеу жедел жүріп жатыр, бірақ кейбір жағдайлар жылжымай отыр. Басты сот талқылауы белгіленіп қойғандықтан, сотқа дейін жіберу туралы өтінішіміз қабылданбады»,  – деп  қосты жәбірленушінің адвокаты. 

 Нәтижесінде олар тек соттың жабық есік жағдайында өтуін қамтамасыз ете алды.

4 қарашада Қызылордадағы сауналардың бірінде орын алған жағдай бойынша да басты сот өтті. Сот 12 қарашада басталады. Естеріңізге сала кетейік, қазір 11 адам тергеуде, ал сотқа жіберілген  2 іс бопсалаушы мен сауна әкімшісіне қатысты.