Қызылорда-Жезқазған автожолы құрылысына $300 млн: кім қаржыландырмақ?

Қасым-Жомарт Тоқаев Азия даму банкінің президенті Масацугу Асакаваны қабылдады, деп хабарлайды Orda.kz.

Мемлекет басшысы қонақты АДБ-мен ынтымақтастықтың 30 жылдығымен құттықтады.

Тоқаев еліміздің банкпен өзара іс-қимылдың стратегиялық сипатын және оның ірі инфрақұрылымдық жобаларды іске асыруға және ұлттық қаржы жүйесін нығайтуға қосқан үлесін жоғары бағалады.

АДБ басшысының сапары барысында Қызылорда-Жезқазған автожолы құрылысы жобасын қаржыландыру туралы $300 млн-нан астам сомаға келісімге қол қою жоспарлануда.

Айта кетсек, 1994-2024 жылдар аралығында АДБ Қазақстанға шамамен $7 млрд көлеміндегі жобаларды қаржыландырды, атап айтқанда, банк Батыс Еуропа – Батыс Қытай халықаралық автомобиль дәлізі құрылысына және Ақтөбе – Қандыағаш жолын қайта жаңартуды қаржыландырды.