Қызылорда облысының тұрғынынан қару, есірткі және ұрланған зергерлік бұйымдар тәркіленді

Облыстық Ұйымдасқан қылмысқа қарсы күрес басқармасының қызметкерлері бұрын ұрлық жасағаны үшін сотталған 32 жастағы Қызылорда қаласының тұрғынын ұстады.

Одан үйінің ауласында жасырылған оқ-дәрілер, есірткі заттары, сондай-ақ зергерлік бұйымдар тәркіленді, деп хабарлайды POLISIA.KZ.

Бұл факт ҚР қылмыстық Кодексінің  3-бөлігі 287 бабы бойынша тіркеліп, сотқа дейінгі тергеу амалдары жүргізілуде. Күдікті уақытша ұстау изоляторына қамалды.