Қызылорда облысында есірткі зертханасы жойылды

Полицейлер құрамында есірткі бар өсімдіктер өсірумен айналысқан 52 жастағы жергілікті тұрғынды ұстады.

Бұл туралы Ішкі істер министрлігі хабарлайды.

«Тұрғылықты жерін тексеру барысында ішінде арнайы фитолабораториясы бар жылыжай анықталды. Бөлменің қабырғалары пластикалық пленкамен жабылған. Тексеру барысында өсімдіктерді өсіруге арналған жарықдиодты жарықтандыру құрылғылары мен суару құралдары тәркіленді» деп хабарлады ІІМ.

Айғақ ретінде тәртіп сақшылары жалпы салмағы 3 келі 980 грамм болатын 214 түп есірткі өсімдіктерін тәркіледі.