Қызылорда облысында есепші 2 миллион теңге жымқырған

Қызылорда облысы Арал ауданының аудандық прокуратурасы "Бөген" ауылдық клубының қызметіне тексеру жүргізді.

Тексеру қорытындысы бойынша клуб есепшісі өзіне сеніп тапсырылған бөтен мүліктің 2,7 миллион теңгесін жұмсап, қызмет бабын пайдалана отырып, иемденгені анықталды.

"Бұл фактіні аудандық прокуратура ҚК-нің 189-бабы 2-бөлігінің 3-тармағы бойынша тіркеді және материал Қызылорда облысы бойынша Экономикалық тергеу департаментіне жолданды. Арал аудандық сотының 2024 жылғы 27 мамырдағы үкімімен кінәлі адамға үш жыл бас бостандығын шектеу түріндегі жаза тағайындалды" деп атап өтті прокуратура.

Сот үкімі заңды күшіне енді.