Қызыл кітапқа енген қарақұйрықты атқан браконьер сотталды

2024 жылдың қаңтар айының соңында Сарысу ауданының тұрғыны Шығанақ-Досбол тас жолының 50 шақырымында қашып кеткен жылқыларын іздейді. Арнайы шолғыш дүрбісі арқылы ол сирек кездесетін және жойылып бара жатқан жануар - қарақұйрықтарды көреді.

Браконьер жануарды атып, сол арқылы мемлекетке 4 430 400 теңге ірі көлемде зиян келтірген.

Сотталушы өз кінәсін толық мойындады.

«Сот үкімімен ол Қазақстан Республикасы Қылмыстық кодексінің 337-бабы 4-бөлігінің 2, 4-тармақтарында көзделген қылмыстар жиынтығы бойынша кінәлі деп танылып,  3 жылға шартты түрде бас бостандығынан айырылды. Тұрғылықты жері бойынша пробация қызметінде жүріс-тұрысына бақылау орната отырып, 7 жыл бойы аңшылық қызметпен айналыспайды» делінген хабарламада.

Сот шешімі заңды күшіне енген жоқ.