Қызметкерлерін балағаттаған полиция бөлімінің басшысы

Жамбыл облыстық ІІД басшысы жиында агрессияға берілді. Ол жұдырымен үстелді  ұрып, қарамағындағы қызметкерлерді балағаттаған.
 
Бұл туралы Patriot telegram арнасы хабарлады.

Агрессияға берілген басшының видеосынан Ішкі істер министрлігі хабардар.
 
Қазіргі таңда полиция бөлімінің бастығы Арманбек Баймурзин қызметінен уақытша шеттетілді. 
 

«ІІМ тапсырмасы бойынша полиция департаментіне Кадр саясаты басқармасы мен ішкі қауіпсіздік қызметінің өкілдері қызметтік тергеу жүргізуде. Осыған байланысты облыстық полиция департаментінің бастығы А.Баймурзин қызметінен босатылды» деп хабарлады ҚР ІІМ баспасөз қызметі.