«Қыздың қырық жаны бар»: Тоқаев әйелдерді мерекемен құттықтады

Мемлекет басшысы Қасым-Жомарт Тоқаев әйелдерді мерекемен құттықтады, деп хабарлайды Orda.kz.

«Ең алдымен, көктемнің шырайлы мерекесі – Халықаралық әйелдер күнімен баршаңызды шын жүректен құттықтаймын! Бұл мейрам – мейірім мен жылулықтың, даналық пен сұлулықтың нышаны. Әйел – тіршіліктің тірегі, берекенің бастауы. Бұл – ақиқат. «Бесікті де, әлемді де тербеткен» әйелдің жүрегі – ізгіліктің мекені. Сондықтан әйелдің қадірі – елдің қадірі деп айтсақ артық болмайды» – деді мемлекет басшысы. 

Сондай-ақ, президент рухы мықты қайсар қыздарымыз ұлт жылнамасында өшпес із қалдырған. Тұмар ханым, Айша бибі, Домалақ ана, Сүйінбике, Айғаным ханша мен Зере ананың есімдері ел жадында мәңгі қалатынын тілге тиек ете отырып, Дубайда өткен SWAT Challenge жарысында өткен «Томирис» қыздар командасын ерекше атады. 

«Жақында Дубайда күштік құрылымдар мен арнайы жасақтардың SWAT Challenge жарысы өтті. Аса беделді халықаралық сайыста еліміздің «Томирис» құрамасы ешкімге дес бермей, қыздар арасында үздік атанды. Олар байрақты бәсекеде шыдамдылық пен шеберліктің озық үлгісін көрсетті. Бұл Әлия Молдағұлова және Мәншүк Мәметованың даңқты жолын үзбей келе жатқан нағыз батыр қыздарға тән қасиет екені сөзсіз», – деді президент. 

Оқи отырыңыз:

• 8 наурыз: әр жанға арналған ерекше құттықтаулар мен тілектер!
• Қазақстанда 10 миллионға жуық әйел бар
• Қазақстанда қанша әйел мұғалім бар?