«Қыздардың көзінше ұрды»: Құрдастарын ұрып, камераға түсірген жасөспірімдер жазаланбақ

Алматы облысының Талғар ауданында 21 шілде күні үш жасөспірім баланы қыздардың көзінше ұрып-соғу үшін далаға шығарып, бәрін камераға түсірген. Оны алдағы уақытта мазақтау үшін қолданбақ болған, деп хабарлайды Orda.kz.

Оқиға туралы адвокат Алена Нефф өзінің Instagram парақшасында жариялады.

Адвокаттың айтуынша, бұл жасөспірімдер бұған дейін де осындай әрекеттер жасап, жауапкершіліктен құтылып кеткен.

«Баланың бетінде ісікпен бірге гематома түріндегі жарақаттар және таяқпен ұрғаннан қолында жарақаттар пайда болды. Үшеуі де осы бейнежазбаны түсірді. Біз олардың үшеуі де жауапқа тартылады деп үміттенеміз», – деп атап өтті құқық қорғаушы.

Редакцияның сауалына Алматы облысы полиция департаментінде қасақана жеңіл дене жарақатын салу фактісі бойынша қылмыстық іс қозғалғанын хабарлады.

«Қазір толық әрі жан-жақты және объективті зерттеу үшін барлық қажетті тергеу іс-шаралары жүргізілуде. Тергеу жалғасып жатыр»,  деп хабарлады полиция басқармасы.