Қыз алып қашсаңыз – заңмен қатаң жазалануыңыз мүмкін

Депутат Мұрат Әбенов елімізде қалыңдық ұрлауға қатысты жазаны қатаңдатуды ұсынды, деп хабарлайды Orda.kz.

Оның айтуынша, қыз ұрлау оқиғаларының көбі қолданыстағы қылмыстық кодекстегі олқылықта кесірінен ашылмай қалуда. Әбенов бұл мәселені «Мәдениет туралы» заңды талқылау кезінде көтерді. Ол кейбір музыканттардың адам ұрлау тақырыбын әндері мен бейнеклиптерінде насихаттап жүргендігін атап өтті.

Мұрат Әбеновтің айтуынша, мұндай жағдайлар әлеуметтік желілерде жиі талқыланады және көбінесе әзіл ретінде қабылдананып, мәселенің негізіне көпшілік үңілмей, көз жұмып өтіп кететіндігіне наразы.

«Қыздар маған TikTok-та кең таралып кеткен бір видеоны көрсетті, онда алып қашып кеткен қызды өз еркіммен келдім деп жазуға мәжбүрлеген. Бұл – адам құқығын тікелей бұзу ғой. Бірақ, видео астында желі қолданушылары оны тек әзіл ретінде қабылдап жатыр. Егер мұндай жағдайларды тек жеңіл-желпі қабылдай берсек, әбден қалыпты жағдайға айналып кетеді», – деді депутат.