Қытайлықтар Арал теңізіне егін егіп көрмекші

Енді қытайлықтарға құрғақ және сулы аумақтардан жер ұсынылады, деп хабарлайды Orda.kz порталы inbusiness.kz - ке сілтеме жасап.

«Қытайдың инвесторларымен кездесу өтті. Олар да өзінің технологиясын ұсынды. Біз қытайлықтарға Қызылорда қаласының аумағынан суы бар жерден 10 гектар және суы жоқ жер деп Арал теңізінің құрғаған ұлтанынан 10 гектар аумақ бергелі отырмыз. Біз сол көшеттердің шығымдылығына байланысты шешім қабылдайтын боламыз», - дейді Қызылорда облыстық табиғи ресурстар және табиғатты пайдалануды реттеу басқармасы басшысының орынбасары Мәріп Акбар.
Қала тұрғынының «сөзінше тәжірибеден қашпау керек» дейді. 

«1980 жылдары Арал теңізін жапондықтар құтқарамыз деген уақытта ұлтжандылығымыз оянып, берілмей қалған болатын. Енді қытайлықтарға да түрлі сылтаулар ойластырмасақ болар еді. Ексе ексін, шығарып берсе болды емес пе? Айтпақшы, ертең шықса да, шықпай қалса да "мен айтып едім" дейтіндер болады екен ғой. Арнайылап келген соң олар шығарады, ал қурап қалады десек, жабдықтары мен суландыру жүйесін қалдырады деп ойлаймын», - дейді ол.

Қытайлықтар Арал теңізінің ұлтанына көшет егіп көрмек.