Қытайлық компания Қазақстаннан мұнай алғалы жатыр

«ҚазМұнайГаз» ұлттық компаниясы қытайлық China National Offshore Oil Corporation International Limited компаниясымен Атырау облысындағы Жылыой учаскесін геологиялық барлау жөніндегі жобаны іске асыру шарттары туралы келісімге келді, деп хабарлайды Orda.kz.

ҚазМұнайГаздың мәліметінше, екі тарап Астанада келісімге келген. «ҚазМұнайГаз» және «CNOOC» қаржыландыруға қатысты және бірлескен қызмет туралы келісімдерге қол қойды. 

«Жылыой» жобасы Каспий теңізінің солтүстік-шығыс бөлігінің транзиттік аймағында орналасқан, ауданы 960 шаршы шақырымға жуық учаскеде іске асырылатын болады. CNOOC-пен Жылыой геологиялық барлау жөніндегі бірлескен кәсіпорын өткен жылдың қазан айында құрылды.

«СNOOC Қазақстанға алғаш рет геологиялық барлау жобасынан бастап инвестициялармен кіретінін атап өткен жөн», – деп атап өтті ҚМГ баспасөз қызметі.

Жоба «50 де 50» қағидаты бойынша бірлескен геологиялық барлауды көздейді. Бұл ретте мұнай іздеу шығындары Қытай жағына түсетін болады.

Еске сала кетейік, бұған дейін Әлия Назарбаеваның бұрынғы күйеуін сот банкрот деп танудан бас тартқаны туралы жазған болатынбыз.