Қытайлық басшысын ұрған жұмысшыға сот айыппұл салды

Жамбыл облысында Қытайлық басшысын ұрған қазақстандық жұмысшыға сот айыппұл мен 500 мың теңге моральдық өтемақы тағайындады, деп хабарлайды Orda.kz.

Мойынқұм аудандық соты Жамбыл облысындағы зауыттардың бірінде жұмыс істеген Қытай азаматына қол көтерген жұмысшыға қатысты үкім шығарды. Жанжал еңбек дауынан басталыпты.

Оқиға 2025 жылдың маусым айында болды. Тергеу материалдарына сәйкес, қазақстандық жұмысшы қытайлық инженерден жұмыс уақыты жазылған табельге қол қоюды сұраған. Алайда басшысы бас тартқанда, ашуға булыққан жұмысшы бірнеше рет оның беті мен денесіне соққы жасады.

Сот кінәлі деп танылған азаматқа айыппұл салды және жәбірленушіге 500 мың теңге көлемінде моральдық өтемақы төлеуге міндеттеді.

Айыпталушы кінәсін толық мойындап, өкініш білдірген және кешірім сұрапты. Алайда, қытайлық инженер кешірім беруден бас тартып, моральдық зиян мен өкіл шығындарын өтеуді талап еткен.

Сот айыпталушыны 40 айлық есептік көрсеткіш (157,2 мың теңге) көлемінде айыппұл төлеуге және жәбірленушіге 500 мың теңге моральдық өтемақы өтеуге міндеттеді.

Үкім әзірге заңды күшіне енген жоқ.