Қытайлық әйел бірден бес сәби дүиеге әкелді

Қытайдың Синьцзян-Ұйғыр автономиялық ауданының тұрғыны бес сәби босанды. Табиғи жолмен бес бала көтеру ықтималдығы 60 миллионда бір рет кездеседі, деп хабарлайды Orda.kz Цзинань жибао басылымына сілтеме жасап. 

Әйел 26 ақпанда Қытайдың орталық бөлігіндегі Ухань қаласында босанды. Дүниеге төрт қыз және бір ұл келді. Жаңа туған нәрестелердің орташа салмағы шамамен бір келіге жетеді.

Бес сәбидің барлығы Апгар шкаласы (жаңа туған нәрестенің жағдайын туғаннан кейінгі алғашқы минуттарда жылдам бағалауға арналған медициналық жүйе) бойынша 6 балдан жоғары баға алған. Олардың жағдайлары тұрақты.

Қазіргі уақытта бес сәби неонаталдық бөлімде дәрігерлердің тұрақты бақылауында. 24 жастағы ананың да жағдайы жақсы.

Оқи отырыңыз:

• Қытайда 16 интернет-алаяқ өлім жазасына кесілді
• Алматы облысында Қытай елінің туын өртеген 12 адам қамауға алынды