Қытайдың Сиань қаласында ашылған Қазақстан павильоны тұрақты жұмыс істейді

Қазақстан мен Қытай түрлі салалардағы ынтымақтастықты одан әрі дамыту бойынша 15-тен астам келісім мен меморандумға қол қойды.

Қытайдың Сиань қаласында тұрақты жұмыс істейтін қазақстандық павильон ашылды, деп хабарлайды Қазақстан Республикасы Сыртқы істер министрлігінің баспасөз қызметіне сілтеме жасап Orda.kz.

Қазақстан Республикасының Бас консулдығы жетінші халықаралық «Жібек жолы» көрмесіне және Қытайдың «Шығыс – Батыс» ынтымақтастық, инвестиция және сауда көрмесіне белсенді қатысты. Оған Қазақстан Республикасы Бас консулдығы қолдау көрсетті. Олар Қытайдың Сиань қаласының Сауда-өнеркәсіп палатасында тұрақты жұмыс істейтін қазақстандық павильон ашу туралы келісімге келді.

«Қазақстандық көрме павильонының ашылу салтанаты мен тұсаукесеріне Шэньси провинциясы губернаторының орынбасары мен Алматы облысының әкімі, сондай-ақ басқа да көптеген жоғары мәртебелі меймандар қатысты. Көрмеге келушілер қазақ халқының бай мәдениетімен, салт-дәстүрімен және отандық өнімдермен танысты» деп хабарлады ҚР СІМ. 

Сонымен қатар, Сиань қаласындағы дипломатиялық өкілдік ғимаратында Қазақстан Республикасы Бас консулдығының бастамасымен  қаржы институттары және жеке инвестициялық компаниялар  өкілдерінің  іскерлік конференциясы ұйымдастырылды. B2B келіссөздері барысында мүдделі тараптар экономиканың әртүрлі салалары бойынша тығыз ынтымақтастыққа шынайы қызығушылық танытты.

Келіссөздер нәтижесінде тараптар құрылыс, тұрғын үй-коммуналдық шаруашылықты басқару, егін және мал шаруашылығы, азық-түлік тауарларының импорты мен экспорты салаларындағы ынтымақтастық туралы 15-тен астам келісімдер мен меморандумдарға қол қойды.