Қытайдың бұрынғы ауыл шаруашылығы министрі өлім жазасына кесілді

ҚХР-ның бұрынғы ауыл шаруашылығы министрі Тан Жэньцзянь 2007 жылдан 2024 жылға дейін әртүрлі орындарда қызмет еткенде лауазымын асыра пайдаланған. Ол жалпы 268 миллион юаньнан (шамамен 38 миллион доллар) асатын қаржы иемденген, деп хабарлайды Orda.kz. 

25 шілдеде шенеуніктің ісіне қатысты соңғы сот отырысы өтті. Экс-министр өзінің кінәсін мойындап, ісіне өкінді. Сот осыны ескере отырып, оның өлімін екі жылға кейінге шегерді. 

Тан министрліктен бөлек, Оңтүстік Қытайдың Гуанси-Чжуан автономиялық ауданы халық үкіметі төрағасының орынбасары және елдің солтүстік-батысындағы Ганьсу провинциясы халық үкіметінің төрағасы сияқты қызметтерді атқарды. Ол сондай-ақ ҚХР Ауыл шаруашылығы және ауылдық істер министрлігі басшылығының партиялық тобының хатшысы да болды.

Экс-министрге осы жылдың сәуір айында айып тағылды. Іс Чанчунь халық прокуратурасымен қозғалды. Ал тергеу өткен жылдың қарашасында басталып, желтоқсанда экс-министр қамауға алынды.

Айта кетейік, Қытайдың оңтүстік-батысындағы Гуйчжоу провинциясында көлік қозғалысы үшін Хуацзян шатқалы арқылы өтетін көпір ашылды.