Қытайдағы бөгет бұзылды: Су істері министрлігі жағдайға түсініктеме берді

Қытай тарапы трансшекаралық өзендер бойынан 1400 м³/с ағын жылдамдығымен су ағызып жатқанын Су ресурстары және суландыру министрлігі мәлімдеді, деп хабарлайды Orda.kz 

«Біз Қытайдан келген әріптестермен байланыстамыз. Елді мекендерді су басу қаупі жоқ. Қара Ертіс (Ертіс) өзенінде Боран кентіндегі бақылау-өлшеу стансасы аймағындағы су ағыны 1700-1400 м³/с болса, қазір су деңгейі 543 сантиметр.
Бірақ бұл аймақта су деңгейі көтеріледі деп күтілуде. Шығыс Қазақстан облысы «Қазсушаруашылығы» филиалының мамандары күшейтілген режимге көшірілді. Өскемен су қоймасынан (Бұқтырма су қоймасының қарсы реттегіші) су төгу 500-ден 800 м³/с-қа дейін ұлғайтылды. Жағдай министрдің ерекше бақылауында» деп хабарлады ведомствоның баспасөз қызметі. 

Ертең Нұржан Нұржігітов Шығыс Қазақстан облысына аттанады. Бүгін облыста вице-министр Алдамжаров жұмыс істейді, деп қосты ведомство.