«Қытайда өршіп тұр»: Қазақстанда жаңа вирус анықталды

Қытайда вирус өршіп тұр. Қазақстанда да  метапневмовирус штамы анықталды. Осыған орай еліміздің денсаулық сақтау министрлігі мәлімдеме жасады, деп хабарлайды Orda.kz.

Қытайдағы жергілікті БАҚ-тың жазуынша, ауруханалар пациенттерге лық толы. Әсіресе 14 жасқа дейінгі балалар арасында бұл ауру түрі жиі тіркеліп жатыр. 

Осыған орай еліміздің денсаулық сақтау министрлігі мәлімдеме жасады. Айтуларынша, метапневмовирусы көптеген елде ондаған жылдар бойы таралған классикалық вирустың бірі. Әлемдегі сияқты елімізде де ЖРВИ және тұмаудың маусымдық өсуі байқалады. Оның штамы Қазақстанда тұмау өршіген кезде инфекцияның басқа түрімен қатар анықталды. Оны жұқтырғандар саны - 1,6% ғана. 

Эпидемиялық маусымның басында елімізде тұмауға жатпайтын вирустардың 8 360 үлгісі зерттелген. 

1,8 мың түрлі вирус табылған. Оның ішінде 9,5%-ы паратұмау, 23,2%-ы РС вирусы, 36,4%-ы риновирус, 6,1%-ы бокавирус, 12,1%-ы аденовирус, 11,1%-ы коронавирус. 

Метапневмовирус ауа тамшысы арқылы және аз жағдайда тұрмыстық байланыс арқылы жұғады екен. Инфекцияның негізгі белгісі - жөтел, мұрыннан су ағу, ентігу, тырысу, бас ауруы. Нақты емі жоқ, симптоматикалық емдеу қолданылады.