Қытайда қарулы күштердің жаңа түрі құрылды

Си Цзиньпин Қытай қарулы күштері құрылымын өзгертті. Әскерде жаңа бөлімше – ақпараттық қамтамасыз ету күштері құрылады.

Ақпараттық қолдау күші «киберақпараттық жүйені құру мен пайдалануды үйлестіруде негізгі қолдауды» қамтамасыз етеді.

Құрылған ақпараттық қамтамасыз ету күштері орталық әскери кеңестің тікелей басқаруында болады.

Қытай Халық азаттық армиясы қарулы күштердің түрлері мен жекелеген бөлімдерінен тұрады: құрлық және зымыран әскерлері, теңіз және әуе күштері, стратегиялық және материалдық-техникалық қамтамасыз ету күштері, сондай-ақ жаңа ақпараттық қамтамасыз ету күштері.