Қытайда алғаш рет ұшқышсыз ұшатын такси пайдалануға берілді

Қытай автономды жолаушылар дрондарын пайдалануды мақұлдады, деп хабарлайды Orda.kz.

Қытай коммерциялық ұшатын такси индустриясын құру жолында маңызды қадам жасады. Зерттеушілер екі компанияға автономды жолаушылар дрондарын пайдалануға алғашқы рет рұқсат берді.

Екі компания — Nasdaq биржасында тіркелген EHang Holdings және Hefei Hey Airlines сенбі күні Қытайдың азаматтық авиация әкімшілігінен ұшқышсыз ұшақтарды коммерциялық пайдалану сертификаттарын алды.

Citic Securities есебіне сәйкес, бұл сертификатты алу ұшқышсыз ұшақты пайдалануға берудің соңғы қадамы болған.  Олар типтік сертификатты, өндіріс сертификатын және ұшуға жарамдылық сертификатын алды.

Еске салайық, 2023 жылдың 13 қазанында Қытайдың азаматтық авиация әкімшілігі (CAAC) EHang Holdings Limited компаниясына екі жолаушыны тасымалдауға арналған ұшқышсыз eh216-s әуе таксиіне алғашқы ұшуға жарамдылық сертификатын берген еді.

Бұл ұшқышсыз ұшатын таксилерді коммерциялық пайдалануға жол ашатын әлемдегі алғашқы рұқсат сертификаты болатын.