Қытай ғарыш тарихында жаңа миссия: «Шэньчжоу-23» ғарыш кемесі ұшырылды

Қытай «Шэньчжоу-23» ғарыш кемесін бортындағы үш ғарышкермен бірге «Тяньгун» орбиталық станциясына ұшырды, деп хабарлайды Orda.kz.       

Зымыран-тасығыш 24 мамыр күні жергілікті уақыт бойынша сағат 23:08-де (Астана уақытымен 20:08-де) елдің солтүстік-батысында орналасқан Цзюцюань ғарыш айлағынан ұшырылды.

Экипаж командирі болып 39 жастағы Чжу Янчжу тағайындалды. Ол Қытай ғарыш тарихында миссияны басқарған алғашқы бортинженер атанды. Бұл оның «Тяньгун» станциясына жасаған екінші сапары болды. Онымен бірге орбитаға ұшқыш Чжан Чжиюань және пайдалы жүк бойынша маман Ли Цзяин аттанды.

Хабарланғандай, экипаж мүшелерінің бірі станция бортында ғарышта бір жылға дейін үздіксіз болу тәжірибесін өткізеді. Мұндай миссиялардың стандартты ұзақтығы әдетте шамамен алты ай.

Қытайдың Шэньчжоу-23  кемесі ғарышта бір жылдық ұшуға жіберілді. Американың «Associated Press» ақпараттық агенттігі хабарлағандай, «Чанчжэн-2F» зымыран тасығышы аппаратты берілген орбитаға сәтті шығарды.

Оқи отырыңыз:

• Тоқаев Қытайдағы шахтадағы қайғылы оқиғаға қатысты Си Цзиньпинге көңіл айтты
• «Орталық Азия – Қытай» форматы ел қауіпсіздігін қамтамасыз ету ісінде нақты шешім үлгісі болады
• Қазақстан мен Қытай бірлескен астық сауда алаңын құрады